=== عمر ستور — ربط المتجر (Omar Store Connector) ===
Requires at least: 6.0
Tested up to: 7.1
Requires PHP: 7.4
Requires Plugins: woocommerce
WC requires at least: 8.0
WC tested up to: 11.3
Stable tag: 1.0.0
License: GPLv2 or later

بيع منتجات عمر ستور فى متجر ووكومرس بتاعك من غير مبرمج: أول ما الطلب يتدفع بنشترى من رصيدك ونسلّم الكود للعميل لوحده.

== التركيب (5 دقايق) ==

1. من لوحة ووردبريس: «إضافات» ← «إضافة إضافة» ← «رفع إضافة» ← اختار ملف omarstore-api.zip ← «التثبيت الآن» ← «تفعيل الإضافة».
   (لازم ووكومرس يكون متركّب ومتفعّل الأول.)
2. افتح «WooCommerce» ← «عمر ستور».
3. الزق مفتاح الـAPI بتاعك (بيبدأ بـ sk_) فى خانة «مفتاح الـAPI»، واختار عملة الأسعار، ودوس «احفظ».
   هتشوف «الاتصال شغّال ✅» واسمك ورصيدك، وتحت جدول بكل منتجاتنا (السعر · المخزون · محتاج إيه من العميل).
   لو موقعك https رابط التنبيهات بيتسجّل لوحده (أو دوس «سجّل رابط التنبيهات»).
4. اربط منتجاتك: افتح أى منتج ← «بيانات المنتج» ← «عام» ← اختار «منتج عمر ستور المقابل» ← «تحديث».
   المنتج المتعدد الأنواع: افتح تبويب «الأنواع» واختار لكل نوع المنتج المقابل ← «حفظ التغييرات».
   هتشوف جنبه سعرنا والمخزون، ولو سعرك أقل من سعرنا هيظهرلك تحذير أحمر.
5. خلاص. أى طلب يتدفع: بنشترى فى الخلفية، والكود بيظهر للعميل فى الطلب وبيوصله على الإيميل،
   والطلب بيتقفل «مكتمل» لوحده لما كل سطوره تتسلّم.

== أسئلة ==

= المنتج محتاج بريد العميل (تفعيل على إيميله)؟ =
الإضافة بتحط خانة إجبارية فى صفحة المنتج قبل «إضافة إلى السلة» (اسمها من عندنا، وتقدر تغيّره من «اسم خانة التفعيل»).
لو الكمية أكتر من 1 العميل بيكتب بريد لكل واحد فى سطر. البريد وكلمة السر: كل واحد فى سطر (كلمة السر مش بتظهر للعميل فى الطلب).

= الدفع عند الاستلام؟ =
مش بنشترى غير لما تعلّم الطلب «مكتمل» (بعد ما الفلوس توصلك).

= حصلت مشكلة (رصيد مش كفاية مثلاً)؟ =
بتوصلك ملاحظة خاصة على الطلب وإيميل، وبتظهر فى «آخر المشاكل» فى صفحة الإضافة.
صلّح السبب، وبعدين فى صفحة الطلب: «إجراءات الطلب» ← «إعادة الشرا من عمر ستور» ← «تحديث».
مفيش خصم مرتين أبدًا: كل سطر ليه رقم عملية ثابت، والإعادة بنفس الرقم بترجّع نفس الطلب.

= الطلب ناقصه بيانات التفعيل (أو مكتوبة غلط)؟ =
تحت السطر فى صفحة الطلب فيه خانة «بيانات التفعيل» — اكتبها، واختار «إعادة الشرا من عمر ستور»، ودوس «تحديث».

= المنتج اللى بيتفعّل بإيد المتجر؟ =
العميل بتوصله ملاحظة «طلبك بيتجهّز»، وأول ما يتفعّل الكود بيوصله لوحده.
التنبيهات محتاجة موقع https؛ من غيرها بنسأل لوحدنا (بعد ربع ساعة، ساعة، 3، 6، 12، 24 ساعة) أو دوس «إعادة الشرا».

= منتج فى السلة مش مربوط؟ =
بيتباع عادى من متجرك، بس الطلب مابيتقفلش «مكتمل» لوحده (انت اللى بتسلّمه).

= ربط بالـSKU؟ =
بديل للمتقدمين: SKU المنتج نفسه بالظبط API-رقم (مثلاً API-12). الاختيار من القائمة بيتقدّم عليه.
النوع اللى مالوش SKU ولا اختيار عمره ما بيشترى منتج الأب.

== للمطوّرين ==

* رابط الـAPI للتجربة: `define( 'OMARSTORE_API_BASE', 'http://127.0.0.1:8091' );` فى wp-config.php أو فلتر `omarstore_api_base` (http مسموح لـ127.0.0.1/localhost بس — أى رابط تانى غلط بيوقف النداءات).
* اللغة: عربى لو لغة الموقع بتبدأ بـ ar، وإلا إنجليزى — فلتر `omarstore_lang` يرجّع 'ar' أو 'en'.
* رابط التنبيهات: `/wp-json/omarstore/v1/callback` (موقّع `X-Signature: sha256=HMAC-SHA256(الجسم، مفتاحك)`).
* بيانات التفعيل من مكان تانى: خانة على الطلب اسمها `activation_data`.
* طرق الدفع اللى بتبقى «قيد التنفيذ» قبل الفلوس: فلتر `omarstore_pay_later_methods` (الافتراضى cod).
* المسح (مش التعطيل) بيشيل المفتاح والإعدادات؛ الأكواد على الطلبات بتفضل.

== Changelog ==

= 1.0.0 =
* أول نسخة.
