الصفحه دى بتشرح البيانات اللى عمر ستور بيستخدمها وليه — باختصار وبوضوح.
البيانات اللى بناخدها
- الإيميل والاسم: عشان نعمل طلبك ونبعتلك تفاصيله، ولو دخلت بجوجل أو فيسبوك بناخد منهم الإيميل والاسم بس.
- بيانات التفعيل اللى بتكتبها للمنتجات اللى محتاجاها (زى إيميل الاشتراك) — بتستخدم فى التفعيل بس.
- رقم المحفظه لو دفعت بفودافون كاش — عشان نعرف تحويلك ونأكّده.
- بيانات الطلب والدفع: المنتج والمبلغ وطريقة الدفع. بيانات الكارت نفسها بتتكتب عند بوابة الدفع (فواتيرك) ومابتوصلناش.
الكوكيز
بنستخدم كوكيز ضروريه: الدخول، طلباتك على الجهاز ده، اللغه والدوله. ولو المتجر مفعّل إعلانات فيسبوك أو تيك توك، البيكسل بتاعهم بيسجّل الزياره والشرا عشان قياس الإعلانات (الإيميل بيتبعت متشفّر بس). صفحة طلبك (اللى فيها بيانات حسابك) مابيتبعتش منها أى حاجه للإعلانات.
مين بيشوف بياناتك
إحنا بس — وبوابات الدفع اللى بتختارها، وخدمة الشات لو كلّمتنا منها. عمرنا ما بنبيع بياناتك.
حذف بياناتك
تقدر تطلب حذف حسابك وبياناتك فى أى وقت — كلّمنا من صفحة التواصل بالإيميل اللى استخدمته، وهنمسحها فى خلال 7 أيام (ماعدا اللى القانون بيطلب نحتفظ بيه من سجلات الدفع).